"Enter"a basıp içeriğe geçin

Jiyana Receb Dildar

Di sala 1958’an de li bajarê Amedê hatiyê dinê. Xwendgehên seretayî û navendî li Amedê xwendiye. Paşê ji bo Xwendegeha Mamostetiyê çûyê bajarê Kırşehirê û çar sal li wir maye. Piştî şeş salên mamostetiyê çar sal di zîndanên Amedê de girtî maye. Helbestên wî yên pêşî di sala 1982’yan de di kovara Dengê Kurdistan de weşiyane. Di rojnameya Fıratta Yaşamê de bi qasî du salan nivîskariyê kiriye. Helbest, çîrok û gotarên wî di gelek kovar û malperan de weşiyane. Di pêşbaziya çîrokên zarokan a şaredariya Sûrê ya Diyarbekirê de xelata yekemîn girtiye. Romana  “Dewran” a Seyit Alp wergerandiye Kurmancî û ji aliyê weşanxaneya Dozê ve hatiye weşandin. Di sala 2007’an de, di pêşbaziya kovara Nûbiharê de, bi çîroka “Veger” xelata yekemînî wergirt.

loading...

Zewicandiye û bavê çar zarokan e.

Berhem:

Kewê Canê, Helbest, Weşanxaneya Hîvron, 2003

Şikefta Xwekuştinê, Çîrok, Weşanxaneya Avesta, 2008

Li Dû Xezalekê, Çîrok, Weşanxaneya Ava, 2011

Kitana Spî, Çîrok, Weşanxaneya Nûbihar, 2015

Werger:

Dewran, Seyît Alp, Weşanxaneya Do

 

Şair Hene

Şair hene Xwedayî ne, bi dû dil û eşqa Feqî ketine
Şair hene dinyevî ne, bi dû bertîl û pereyan ketine

Şair hene zîndanî ne, şopên brînên celadan vedişêr in
Şair hene navmalî ne, li ser dikên mîran piling û şêr in.

Şair hene ew dilxweş in, bi keziyên yarê her tim serxweş in
Şair hene ew dilreş in, li dû dek û dolabên roma reş in.

Şair hene dil bi jan in, her tim peyv û gotina rast dibêjin..
Şair hene emirber in, bo du quruşan çar teqle davêjin

loading...

Şair hene ew Dildar in, ji derdê axa welat brîndar in
Şair hene ew guhdar in, piştê didin hêzên xurt, tûrikbar in.

 

loading...