"Enter"a basıp içeriğe geçin

Jiyana Reşîdê Kurd

Reşîdê Kurd helbestvanekî kurd e, lê belê ew bêhtir bi xebatên xwe yên rêzimanî li ser zimanê kurdî tê naskirin. Reşîdê Kurd di sala 1910’an de li gundê Rewşatê li navçeya Dêrika Mêrdînê tê dinê. Ew xwendina xwe li Dêrikê, Mêrdînê û salekê jî li Qonyayê temam dike. Piştî kutakirina xwendina mamostetiyê ya sala 1930’yî bi çend mehan tê girtin lê ew ji girtîgehê direve. Ew di sala 1940’î de derbasî Sûriyeyê dibe û piştî demekê li Amûdê bi cîh dibe.

loading...

Jiyana Reşîdê Kurd di nav siyaset, zor û zehmetî di nav girtîgehan û sirgunkirinê de derbas bû. Ew di sala 1949’an de bi nexeşiya kezebê dikeve û nexweşî her ku diçe xwe li wî dipêçe. Berê ku bimire dibêje: “Pir kar û barên min hene ku ez bikim, min ew hê nebirine serî. Na gerek ez niha nemirim. Gerek ez vegerim baxçeyên Dêrikê, ku min ji mêj ve bêriya wan kirine, paşê bila mirin were” Lê nekarî veger.

Wî di helbestên xwe de, derd û kulên bindestan bi hestiyarî aniye zimên. Ew zêdetir bi pirtûka helbestan ya bi navê “Ez” tê nasîn.

Reşîdê Kurd di 20’ê rêbendanê sala 1968’an de jiyana xwe ji dest dide.

BERHEM:

Ez, Helbest

 

BASÊN BÊRÛDÊ

Zivirîn çerx

Bas liviya

Dolab geriya

Gêr bû bas

Bas firiya…

Wek colek berx

Rêwî

loading...

Bi ser hev de bûne kerx…

Hin rûniştin, hin ji piya

Bi çeng ve daliqîn

Qor qor sik sikîn

Pev zeliqîn…

Nere bas!

Here bas!

Şofêr

Zirezop

Çav li serî bûne tas!

Bi giştî deh peya

Rûniştî…

Ên mayî

Tev ji piya

Bi çenga ve daliqîn

Qorqor sik sîkin

Pev zeliqîn…

Nere bas!

Here bas

Şofêr

loading...

Çav lê bûne tas …

Hop!

Berdestî mîna top

Here bas!

Gêr bû bas

Kilek li pêş

Du kil li paş….

Hejiyan bîst û neh laş…

loading...