"Enter"a basıp içeriğe geçin

Jiyana Bedirxan Epozdemîr

Di sala 1949’an de li bajarê Sêrtê, li qeza Bayqanê, li gundê Minar hatiye dinê. Dibistana seretayî li gundê xwe, ya navîn û ya mamostetiyê li Amedê qedandiye. Di sala 1968’an de dest bi mamostetiyê kiriye. Heya 12 Îlona sala 1980’an li gelek herêmên Tirkiyê û Kurdistanê mamostetiya xwe domandiye, Ne hewce ye ku meriv bêje, Epozdemîr jî wekî gelek Kurdên rewşenbîr para xwe ji eş, azar, girtin û nefiyê girtiye.

loading...

Ew ji ber van êş û azaran koçber bûye û salên dûr û dirêj li Hollandayê jiyaye. Di sala 2012’an de vegeriyaye welat. Vêga li Tetwanê dijî.  Epozdemir di salên xortaniya xwe de dest bi karê nivîsê kiriye. Li welat û derveyî welat wek axaftvan beşdarî gelek panel û konferansan bûye, di gelek waran de teblîxan pêşkêş kiriye.

Di gelek sendika, rêxistin û partiyên siyasî de kar kiriye. Endamê Rêxistina Navnetewiya Efûyê û PEN’a Kurd e. Bedirxan Epozdemîr, bi zimanê Tirkî û Kurdî di gelek kovar û rojnameyan de helbest, nûçe, gotar, hevpeyvîn, bîyografî, lêkolîn, çîrok û werger nivîsandine. Epozdemir, xebatên xwe yên edebî didomîne.

BERHEM:

Awazên Xerîbiyê, Helbest, Weşanên Aso, 1997, Stenbol

Kumsorê û Gurê Dengbêj, Zarok, Weşanên Aso, 1997, Stenbol

Bi Serbilindî Temaşa Cîhanê Dikim, Werger, Orhan Kotan, Afiş Medya, 2003, Rotterdam

Jan û Jiyan, Helbest, Weşanên JJ, 2018, Amed

Hüzün, Helbest, Weşanên JJ, 2018, Amed

loading...