"Enter"a basıp içeriğe geçin

Jiyana Mistefa Gazî

loading...

Mistefa Gazî (bi tirkî: Mustafa Gazi) nivîskar, lêkolîner û bestekarekî kurd e.

Mistefa Gazî di sala 1958’an de li gundê Şêxuliya Jêrîn ya bi ser Siwêregê ve ji dayik bûye. Dibistana seretayî, ya navîn û lîseyê li Diyarbekirê xelas kiriye. Demeke dirêj e di warê ziman, zargotin û muzîka Kurdî de xebatan dike. Ew hem kilam û stranên Kurdî berhev dike û hem jî kilam û stranan çêdike. Di nav salên 1991-2003’an de li Amedê dersên zimanê Kurdî daye. Di rojname û kovarên Kurdî de xebatên wî hatine weşandin.

Kilam û stranên ku wî çêkirine ji hêla kom û hunermendan ve gelek sal in têne xwendin. Strana wî ya yekemîn car afirandiye “Evîndar im” e. Strana wî ya herî navdar “Xerîb im” e. Strana wî ya bi Tirkiya Diyarbekirê û di terza blusê de hatiye çêkirin “Fîsqaya” jî gelek navdar e. Kilam û stranên wî ji hêla kom û hunermendên wek Koma DDKD, Koma Pêşeng, Koma Azad, Koma Avreş, Koma Arjîn, Koma Dengê Azadî, Koma Dîjle, Şiyar, Şîlan, S. Metîn, Siyabend, Zinar Sozdar, Oruç, Şoreş, Selinay, Sabahattîn Xoce, Azad Bîlen, Yekbûn, Murat Kuçukavci, Alişan, İbrahim Nuhat, Ferhat Kanat, Engin Derya, Evin Beyaz, Ercan Kan û hwd ve hatine xwendin.

Nivîskar di sala 2017de jiyana xwe ji dest da.

Berhem

Pirtûkên wî yên çapkirî

  • Diyarbakır Türkçesi (Çapa Yekemîn: Elma Yayınları Îstenbol 2004, Çapa Duwemîn: Weşanên Do – Îstenbol 2006)
  • Pırpırım (Elma Yayınları Îstenbol 2005)
  • Ferheng (Weşanên Enstîtuya Kurdî ya Amedê 2006)
  • Gurzek Ji Zargotina Zarokan/Dîsko Dîsko Danîno (Weşanên Enstîtuya Kelepora Kurdî – Silêmanî 2006)
  • Nifir û Duayên Kurdî/Nan Tajî be Tu Kîroşk bî (Weşanên Enstîtuya Kelepora Kurdî – Silêmanî 2006)
  • Baweriyên Batil ên Kurdan (bi Ahmed Bengîn re. Weşanên Enstîtuya Kelepora Kurdî – Silêmanî 2006)
  • Komek Stranên Folklorîk Ji Devera Silîvan, Hewêl û Batmanê, Bergê yekem, Enstîtuya Kelepora Kurdî, Silêmanî 2009
  • Komek Stranên Folklorîk Ji Devera Silîvan, Mûş, Şirnex, Xerzan û Batmanê, Bergê duwem, Enstîtuya Kelepora Kurdî, Silêmanî 2009
  • Pışo Meheme Diyarbekir Qabadayilari Deliler, Weşanên Do – Îstenbol 2009
  • Navên Kevnar Ên Mirov û Ajelan Li Ba Kurdan, Enstîtuya Kelepora Kurdî, Silêmanî 2010
loading...