"Enter"a basıp içeriğe geçin

Jiyana Evîn Çîçek

Sevê Evîn Çîçek, wekî Evîn Çîçek tê naskirin, rojnemevan, lêkolînvan, helbestvan û parastvana mafê mirovan e.

loading...

Sevê Evîn Çîçek di sala 1961’ê de li navçeya Kamîlavaya Sêwasê tê dinyayê. Evîn Çîçek li gundê xwe dest bi dibistana destpêkê dike. Bi sedemên aboriyê berê xwe didin bajarê Stenbolê. Xwendina xwe ya seretayî, navîn û lîseyê li wir diqedîne. Paşê dest bi Zanîngeha Marmarayê dike. Li wê derê Beşa Zanistiyên Aborî û Rêveberiya Rêxistinên Dewletê xelas dike. Master û doxtora xwe li Ewropayê diqedîne. Ew zimanên Kurmancî, Tirkî, Fransî, îtalyanî û Îngilîzî dizane.

Di sala 1993’yan de diçe Başûrê Kurdistanê. Sê meh û nîv li Başûr dimîne. 3 meh li kampa PKK’ê ya Zelê di Silêmanî/Qelediz de ji bo çend lêkolînan bike dimîne. Dozgerên Komara Tirkiyê çûyina wê xeber digirin dixwazin ku bo demek dirêj, 10-15 sal wê bavêjin hepsê. Evîn Çîçek mecbûr dîmîne derdikeve derveyî welêt. Ji mijdara 1993’yan vir ve penaber e, li Swisrê dijî û endama Pena Kurd e.

BERHEM:
Awaza Serpêhatiyan I, II, III. 2004, Weşanên Pêrî, Stenbol
Nikanin Tixubê Deynin Ber Hezkirinê, 1998, Weşanên Medya, Swède
Hereketa Netewî ya Koçgîriyê, 1999, Weşanên APEC, Swède
Armanca Hêsîrbûyîna Armancê, 2000, Weşanên Pêrî, Stenbol
Rêwîyên Araratê, Karmendiya Meriyan, Koçkirin, Penaberî, 2005, Weşanên Pêrî, Stenbol
Bi Jînbûyîn Darizandin, 2005, Weşanên Pêrî, Stenbol

loading...