"Enter"a basıp içeriğe geçin

Jiyana Hisham Zaman

Hişam Zeman an jî bi awayê fermî Hisham Zaman (bi tîpguhêziya latînî ji alfabeya erebî) derhêner û rejîsorê norwêcî yê fîlman e ku di 1975an de li Başûrê Kurdistanê hatiye ser dinyayê û bi eslê xwe kurd e.

loading...

Hişam Zeman di 10 saliya temenê xwe de koçî welatê Norwêcê kir û di 2004an de li wir xwendina xwe li Peymangeha Fîlm a Norwêcê (Den norske filmskole) ya Lillehammerê kuta kir.

Kurtefîlmê wî yê serketinê yê bi navê Bawke di sala 2005an de li festîvala kurtefîlman a Grimstadê hate xelatkirin, pişt re heman kurtefîlm li festîvalên Clermont-Ferrand û Aspen û Valensiya û Donostia-San Sebastián û Toronto û Palm Spring beşdar bû. Wî di sala 2007an de novelefîlmê bi navê Vinterland çêkir û ev fîlm di heman salê de bû fîlmê destpêk û vekirinê yê Fîlmefestîvala Tromsoyê ya Navneteweyî li Norwêcê.

Derhênerê norwêcî û kurd di 2013an de fîlmê xwe yê nû Før snøen faller (“Berî ku berf bibare”) pêşkêş kir û ev fîlme ye ku di êvara 9ê çiliya pêşîn a 2013an de Fîlmefestîvala Dihokê ya Navdewletî vedike.

Fîlmografî

  • Bawke, kurtefîlm, 2005
  • Vinterland, novelefîlm, 2007
  • De andre, kurtefîlm, 2009
  • Før snøen faller (Before the Snowfall, Berî ku berf bibare), fîlm, 2013.
loading...