"Enter"a basıp içeriğe geçin

Jiyana Aram Gernas

Aram Gernas ji Farqînê ye. Xwendina xwe ya sereta û navîn li vî bajarî temam kiriye. Piştî lîseyê, bi temamkirina Înstîtuya Perwerdeyî xwendina xwe a bilind xilas kiriye û dest bi karê mamosteyiyê kiriye. Piştî cuntaya eskerî ya 12ê îlona 1980yan gelek caran hatiye girtin û zêrandin.

loading...

Di sala 1983an da wek penaberek polîtîk derketiye dervayî welat û li Swêdê bi cîh bûye. Li wê derê jî, digel xebatên wî yên kurdperwerî, ji nû va dest bi xwendina Zanîngeha Mamosteyî ya Bilind kiriye. Li zanîngehê ji bo mamosteyiya kurdî perwerde bûye û dest bi mamosteyiya zimanê kurdî kiriye. Digel karê mamosteyiyê, bi salan karên redaktorî û nivîskariya kovarên Roja NûBerbangÇira û rojnameya Dengê Azadî jî meşandiye. Ev 5 sal in ku vegerîyaye welat û li vê derê dijî.

Di gelek kovarên zindî yên Tirkiyê û welat da û di malperên înternetê da gelek nivîsarên wî derçûne.

Ev 5 sal in ku vegerîyaye welat û li vê derê dijî. Xebatên wî yên nivîskariyê, her bi zimanê kurdî ye.

Berhemên wî yên derçûyî

  • Rêvebirî û redaktoriya gelek kovarên Kurdî kiriye.
  • Ji zimanên Swêdî romanek zarokan û pîyesek wergerandine zimanê Kurdî.
  • Şervanê Biçûk ê Vîetnamî (werger-Kurteroman, Weşanên Roja Nû, 1988, Stockholm)
  • Zembîlfiroş (Pîyes-Drama, Weşanên Roja Nû, 1995, Stockholm)
  • Baxçê Zarokan 1 (Stran û muzîka zarokan- Kurmancî-Soranî), Weşanên Apec, 1997, Stockholm)
  • Baxçê Zarokan 2 (Stran û muzîka zarokan- Kurmancî-Soranî), Weşanên Spartryck, 2001, Stockholm)
  • Hemend (Çîrok, Weşanên Spartryck, 2001, Stockholm)
  • Romeo û Julîet (Werger, Pîyes-Drama, Weşanên Helwest, 2002, Stockholm)
  • Bêrî (Werger – Belgeroman, Weşanên Perî, 2002, Îstenbol)
  • Aliko och Sparvhöken (Werger bi Swêdî, romanek zarokan, W. Roja Nû, 2005, Stockholm)
  • Toqa Naletê ( Roman, Weşanên Doz, 2007, Îstenbol)
  • Baxçeyê Zarokan (Stran û muzîka zarokan- Kurmancî) Weşanên Şaredariya Bajarê Mezin A Diyarbekirê – 2008 Diyarbekir)
loading...