"Enter"a basıp içeriğe geçin

Jiyana Deniz Gündüz

Deniz Gunduz, romannuştoxo verên yê kirmanckî (zazakî) yo. Çeleyê 1976î de dewa Gimgimî Canesera de maya xo ra bi. Wendegeyo verên û mîyanên dewa Gimgimî Uskira de wend. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qismê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd.

1996 de Îzmîr de temsîlkarîya Weşanxaneya Komalî kerde. Wexto ke no gure kerdêne, xo da xebata ziwanê kurdkî ser û dest pêkerd bi kirmanckî nuşt. Serra 2000î de romanê xo Kilama Pepûgî ke romano yewin yê kirmanckî yo, da weşanayîş. Serra 2003 de bi wasitayê Weqfa Kurdî ya Kulturî li Stokholmê Unîversîteya Upsala de yew termîn kirmanckî wende.

Badê ke Swêd ra agêra, Îstanbul de Weşanxaneyê Vateyî awan kerd. Û êdî bi temamî xo da karê edebîyatî û weşangerîya kirmanckî ser. Kovara Vateyî ke Swêd de hetê Grûba Xebate ya Vateyî ra amade bena, Tirkîya de dano çape ro û vila keno. Heto bîn ra Weşanxaneyê Vateyî de kitaban çap keno. Serra 2017 de Enstîtuyê Ziwananê Ganîyan yê Unîversîteya Artuklu de wareyê kirmanckî de dest pê lîsansê berzî kerd û hîna zî nê wendişê xo dewam keno.

Kitab û xebatê xo yê ke heta ewro weşanîyayê nê yê:

Gunduz, Deniz; Kilama Pepûgî, Vartan, Anqara, 2000, 536 r.
Gunduz, Deniz; Soro, Weşanxaneyê Vateyî, Îstanbul, 2010, 525 r.
Gunduz, Deniz; Kalaşnîkov, Weşanxaneyê Vateyî, Îstanbul, 2013, 86 r.
Gunduz, Denîz; Hîkayeyê Koyê Bîngolî, Weşanxaneyê Vateyî, Îstanbul, 2004, 138 r. Çapa Dîyine: Weşanxaneyê Vateyî, Îstanbul, 2014, 152 r.
Gunduz, Deniz; Xapxapik, Weşanxaneyê Vateyî, Îstanbul, 2014, 40 r.
Gündüz, Deniz; Türkçe Açıklamalı Kürtçe Kırmancca/Zazaca Dil Dersleri, Vate Yayınevi, İstanbul, 2006, 371 r. Çapa Dîyine: Vate Yayınevi, İstanbul, 2009, 368 r.
Açarnayîş:
Rayberê Gêrayîşî yê Dîyarbekirî; Açarnayox: Deniz Gunduz, Weşanê Serekîya Daîreya Kultur û Turîzmî ya Şaredarîya Şaristanê Pîlî yê Dîyarbekirî & Boyut Yayıncılık, İstanbul, 2011, 239 r
Nutku, Ozdemir; Hunerê Dramî, Açarnayox: Deniz Gunduz, Komelaya Akademiya Sînemayê ya Rojhelata Navîn, Dîyarbekir, 2015, 305 r.

 

NIVÎSÊN BALKÊŞ