"Enter"a basıp içeriğe geçin

Jiyana Newzat Valêrî

Newzat Valêrî 1976 de Dara Hênî-Çewlîg de ameyo dinya. Edebîyat û ziwanê tirkî ser o perwerdeyê lisansê dîyo. Edebîyat û folklorî ser o xebitîyayo, dorûverê Çewlîgî ra tayê nimûneyê folklorîkî arêdayê. Xebata muqayesekerdişê edebîyatê kirdkî-kurmanckî, tirkî û fariskî kerde. Kovaranê sey Vate, Nûbihar û Tîroj de, rojnameyê Newepelî de xeylê şîîr, tercume û nuşteyê ey weşanîyayê. Yew şîîra ey 2007 de Înstîtutê Ziwan û Kulturê Kirmanckî (Zazakî) yê Berlînî ra xelata yewine girewte.

loading...

Kitabê ke weşanayê:

1) Dejê Nimiteyî, Weşanxaneyê Vateyî, Îstanbul 2009, 80 rîpel

Helbestek Newzat Valêrî

Se Beno?

Dayê se beno halî ma,
Se benî hesirî çimanî ma?
Ma xo r’ mendî xerîb inca de.

Dinya yew versî ya
Karwanî yenî-şinî
Misafir benî uca de.
Ax, karwanî şî,
Esparî şî,
Êyê ko amey, şî
Ma xo r’ mendî warmend inca de.

Dayê se beno halî ma,
Se beno derdî zerrîya ma?
Ma xo r’ mendî feqîr inca de.

Emr yew awk a ke
Wişena hêdî-hêdî
Roj û şew tede şinî.

Dayê se beno halî ma,
Se benî
Derdî dinya?

çewlîg, Gulana 2003

loading...

Bir Cevap Yazın