"Enter"a basıp içeriğe geçin

Jiyana Dilbirîn Mihemed

loading...

Helbestvan Dilbirîn Mihemed Di sala 1946’ê de, li gundê Çaxir Bazar hatiye dunyayê. Çend salên pêşîn ji xwendina xwe li dibistanên gundewarê Amûdê qendandiye.

Di temenekî mezin de berê xwe daye fêrbûna zimanê dayîkê, da ku di 1975’ê de bi awayekî fermî bi Kurdî binivîse.

Dilbirîn Mihemed herî zêde helbestê dinivîse û gelek helbest û nivîsên wî di rojname û kovarên Kurdî de hatine çapkirin.

Bi awayekî spehî û qeşeng, pesnê evîna xwe di malikên helbestê de vedibêje. Di hundirê helbestên wî de bedewiya welêt dixuye, her wiha bilindahiya bejna serwerên Kurd diyar dibe.

Dîwaneke wî ya helbestan bi navê “Pêlê Evînê Sote Dil” heye.

Helbesteke wî

EZ EVÎNDAR IM

loading...

Ez li vir yarê li malê

Lê dinêrin herdû çav

Ne mi hilbesten nivîsî

Min bi xwîna cerg û dil

Eşq û evîna wê sotim

Dil kiriye têtê agir

Nema min sebr û aramî

Ku nebînim por zerê

Ez ketim derya evînê

Serxweş gerdem dibim

Dîmen û reng û kilîşê wê

Pisotî cerg û dil..

Ger çiqa dûrî ji min tu

Her dinerin her dû çav

Aşiqê bejn û balê me

Çav û wan birhê zirav

Gerden û anî ji almaz

Dev û lêvên erxewan

Ez ketim salox û pirsê

Ma li kê bikme hewar?

Min dixest ez herme balê

Wê bibînim carekê

Ku himêzkim bejn û balê

Jê bixwazim maçekê

Şev û roj ez tême sotin

Xew bi çavan nakevî

Bûye çend sal ku dinalim

Êş û janê daye dil

Lê çima dengê min nakî

Dil bûye wekî kevir

Soz û peymanê te kanî?

Kanî ew soza li wir

Ma nayê bîra te yarê

loading...

Ew kêf û densa li vir

Çend gez û qurniç min dabû

Ji wan dêmên tey bedew

Lê di bîra xwe de bîne

Wê roja cejna mezin

Çend kas û şûşe vexwarin

Min ji destê meyderê

Serxweş û bêhiş kirim wê

Dil ji min bir ku derê?

Ma ez ê çawa nezorim

Janê daye kezebê

Ger bibe kuştin û ferman

Her zê bêjim dilberê

Min bidin ber şûr û kêra

Dil ji te qet nagerê

Dilbirîn bes xwe bisojî

Bi ar û pêtç por zerê

Ger dixwazî bike himbêz

Mal û can deyne berê.

loading...

Bir Cevap Yazın