"Enter"a basıp içeriğe geçin

Jiyana Hadî Behlewî

Helbestvan Hadî Behlewî di 16’ê Gulana 1948’ê de li gundewarê Qamişlo çavên xwe li jiyanê vekirine.

loading...

Xwendina xwe û salên ciwaniyê li nava kuçe û kolanên Qamişloyê diqedîne. Hetanî aniha jî, her li bajarê Qamişlo dimîne.

Ji 1965’ê ve dest avêtiye pênûsê, da ku bi her du zimanên Kurdî û Erebî helbestê binivîse.

Bi dehan ji helbestên Hadî Behlewî bûne sitran û hunermendên wekî: Se’îd Gabarî, Buha Şêxo, Adil Hiznî, Hisên Bavê Azad û Selah Resûl helbestên wî bi awaz kirin û sitrane.

Du berhevokên Hadî Behlewî yên helbestan hene, yek jê bi navê “Ji Dil” e, yek jî bi navê “Wê Sibe Bê” ye.

Helbestvan Hadî Behlewî di geşta nivîskariya xwe de, “Xelata Mele Ehmedê Palo” di salvegera wî ya duyemîn de wergirtiye.

HELBESTEKE WÎ;

Cejna Evȋnȇ

Xwedȇyo ka çi hȇja ye ko rȇkim?

Eva cejna evȋnȇ tȇ bi rȇ de

Ez ȇ çavan jȇ re bikim diyarȋ

Mixabin xwȋn ȗ zox rijiyana pȇ de

Ji dȇla hȇstiran xwȋn va dibarȋ

Gelo hȇja ne esta Cana tȇ de?

Ez ȇ gulȇn ji bȇhn jȇ ‘r bișȋnim

loading...

Ji gulzar ȗ kulȋlkȇn l’ vȇ dinȇ de

Bi destȇ xanima hatin guvaștin

Li Parȋzȇ ȗ li London,  yan li vȇ de

Yeqȋn nakim ko hȇja bin diyarȋ

Tevlȋ market bi navdar bȋ bi zȇde

Ez ȇ helbestekȇ jȇ re bihonim

Ji hestȇ xwe di germbȗna kelȇ de

Bi aza kim elȋf ȗ bȇya ȗ nȗn

Jiyana xweș ko vȋn serbest bȋ tȇ de

Bera razȇ evȋn tȇ de bixwȋnȋ

Heya mexrib ji berbanga sibȇ de

Bi gomanȇ ko ev jȋ,  jȇ re nabin

Ji ber helbest bi xwe ‘v Cana girȇda

Ez ȇ tilyȇ xwe vȇxim rengȇ mȗma

bikȋ ronȋ,  li dȗ reșya șevȇ de

Meger razȋ nebȗ Cana ji vana….

Rewan ȗ can didim,  bȇ nerx ȗ fȇde

loading...

Bir Cevap Yazın