"Enter"a basıp içeriğe geçin

Jiyana Amedê Xursî

loading...

Navê wî yê rastîn Ehmed Şêxmûs Seîd e , di salên 1950 de bavê wî di zaroktiya xwe de, ji bakurê kurdistanê ji gundê xursê koç dibe bin xetê , di sala 1970yan de li bajarê Qamişlo Ehmed ji dayik dibe li taxa Hilêlîkê.

Sê polên xwendina xwe ta pileya diwazdehan li dibistanên bajar dixwîne , ew û malbata xwe ta sala 2012an bê nasname dimînin, û nabin neştecîyên wî welatî , bi behana ku navê wan winda bibû, di lênosên jimarteka ku sala 1962 de, li welatê Sûryayê çêbibû , di destpêka şoreşê de, ew derfetê dibîne ku pasportê wergire, û yekemîn car were serdana bakur, û warê bav û bapîrê xwe bibîne, wê gavê diçe serdana Amedê jî , pir ji wî bajarê avsane wek ku ew dibîne hez dike, hem ji ber wê yekê ,û hem jî ku dixwaze ji bin bandora zimanê Erebî, bi yek car derkeve, navê xwe yê nû Amedê Xursî dibijêre, ji 2014an de li Almanya dijî.

Helbesteke Amedê Xursî

Ber bi asoyên bedewiya te ve

Di bîranînekê de
rewanê min peleke Rîhana seridiye
di destên xwe de bifirkîne
dê bîna mekrohıya tılıyên min
bi guliyên te ve rapelike
fenanî noşeke mey a dawî
lêvên te bitevizîne

Di şevbuhêrkê de
helbestên ne li rê
di guhên te de dixwîn im
ên ji tirsa xweda reviya yî
dilê te ê oldar nifiran bikî
ta ez tawî û kor bibim

Dilê min ê bêjî
tirs ji rekeya wî firiya
ew jî ji rekeya sînga min firiya
ber bi asoyên bedewiya te ve terqiya
her şev dipencerya te de dilûse
mirî bim jî dê li se kêla min
li hêviya te bilûse

loading...

wisa jikel ve tayişî xwê çeng bibe
sibeha cejnekê fenanî zarokekê sêwî
kuncîlên xwe şanî min bide

Bi min şa bibe
fenanî lehengê çîrokekê
ku ji cengê vegere

Bi te şa bibim
di xewnekê de
bibeze pêşiya min
û min hembêz bike

Di xilmaşiyekê de
qapaxên çavê xwe vekim
ku buhare û serbênderên gundê me
geya bejnek e
kulîk difûr in
ez û tu du zarok in
fenanî du perperîkan zîz dibin

Devera berbangekê
nemeş be
fenanî xwedawendekê zîvî
ji ber heyvê bimîne

Sawîr be
perçeyek buhiştê be
cûreyên balindeyan
li dora min bifirin
bê guneh
ez ji pêxember sulêman bim
fenanî qumriyekê
li ser milê min dane

Rewrewk be
di odeka min ya xwendinê de
piştî ku agirê mûmê vemire
ji diwa serê wê hilkişe
fenanî teyrtawisekî
perên xwe di tariyê de
vêxîne

Leylan be
kelkela havînê be
lêv û zarê min ziwa bin
fenanî mêrgeke şîn be
cirîda mihîneke şîn be
di bin ava solînan de
xwe bişoyî

ji sîka min
bi afire
û
min hembêz bike

peykerê ji qeşayê me
min bide ber tîna evîna xwe
ta êş di qiramên min de
dawirive .

loading...

Bir Cevap Yazın