"Enter"a basıp içeriğe geçin

Jiyana Ednan Hesen

Ednan Hesen: di sala 1989’an de li Kobanê ji dayîk bûye, ji ber rewşa malbatê ya aborî xwendina xwe ya seretayî di navber Kobanê û Serê Kaniyê de derbas kiriye û piştre li Kobanê navîn û amadehî xwendiye. Di sala 2008’an de li zanîngeha Şamê beşê mafnasî heta sala çaran xwendiye lê ji ber aloziya Sûrî temam nekiriye.

Ji sala 2012’an de li ser xebatên ziman û wêjeya kurdî li rojavayê kurdistanê xebitiye û wek mamoste di saziya zimanê kurdî, akademiya ziman û wêje, peymangeha amadekirina
mamosteyan û zanîngeha Kobanê de hem damezrêner û hem jî mamoste xebitiye. Her wiha li Amedê di akademiya Cigerxwîn de jî beşê wêjeya kurdî xwendiye lê bi dawî nekiriye.

Di warê nivîsandinê de helbest, çîrok û pexşanên wî hene, hinek ji wan di kovar û rojnameyan de hatin weşandin lê wek berhem nehatine çapkirin, niha berhema wî ya bi navê Çavkuj ku pexşaneke wêjeyî ye li ber çapê ye û dê ji aliyê weşanxenya AVA ve bê weşandin.Di warê çîrokê de bi hin hevalên xwe re pirtûka Çirûskek Ji Berxwedan Kobanê ji weşana Aryen û Şilêr çap kiriye.