"Enter"a basıp içeriğe geçin

Jiyana Enwer Yilmaz

Kedkarê Kirdkî Enwer Yilmaz serra 1980 de Dîyarbekir de ameyo dinya. Bi eslê qezaya Çewlîgî DaraHênî ra wo. Heta Lîse mekteb wendo. Cuya xo de zêdeyêr hetê babîyê xo esnafî kerdo.

Mabênê serranê 2001 û 2014î de semedo ke mîyanê kampanyaya “Ma ziwanê xo wazenê” de ca giret, 3 serrî hepisxane de mend. Serranê 2017î ra tepîya eleqeyê xo dayo xebata ziwanî ser. Mîyanê tay xebatanê ziwanî de ca girewto. Gelêk nuşteyê ey rojname û kovaran de de çap bîyî.
Serra 2011î ra tepîya Televîzyonê GUN TV de serwîya Zazakî awan kerd û hetanî serra 2015î uca de xebate kerd. Badê cû qasê serrêk Televîzyona JIYAN TV de midurîya xeberan kerd. JIYAN TV de porosesê ronayîşê kadroyê Zazakî de bi aktîf ca girewt.

Badê cû qasê serrêk zî Çarpel TV de ziwanê xo rê xizmet kerd. Serranê 2013-2014î de musebaqaya Hîkayeyan ya Huseyîn Çelebî de hewêk xelata yewine hewêk zî xeleta diyîne girewte. Serra 2014î de Musebaqaya Musa Anterî a Şehîdanê Çapamenî de heqêk xelata jurî û hewêk zî xeleta teşwîqî girewte.
Serra 2014î de derheqê qetlîamê Roboskî de belgefîlmêk ant. Heta nika 2 kitabê ey yê hîkayeyan bi Zazakî ameyê çapkerdene.

Serra 2014î de kitabê ey yê hîkayeyan ‘Ti Dejêko Bêwayîr î’ Weşanxaneyê Tevzî ra vejîya. Serra 2018î de zî bi nameyê “Bena Hol” kitabê ey yê hîkayeyan yo diyîn Weşanxaneyê Nasî ra vejîya. Enwerî kitabê xo de bi giranî bindestîya şarê Kurdî ser û cuyayîşê xo ser hîkayeyî nuştî . Tay hîkayeyan de behsê cuya xo, tay hîkayeyan de zî behsê halê şarê xo û zordarîya dewlete kerdo.

NIVÎSÊN BALKÊŞ