"Enter"a basıp içeriğe geçin

Jiyana Cerdoyê Esed

Helbestvan, wergêr, şanoger, zargotinzan û nivîskar Cerdoyê Esed di 2yê gulana sala 1929an de
li gundê Sabûnçiyê yê nehya Telînê Eremistana Sovyetê de di nava malbateke êzdî de ji dayîk bûye. Di sala 1918 dê û bavê wî ji bo ku ji aliyê Roma Reş ve neyên qetilkirin tevî penaberên êzdî ji hêrema Qersê derbasî Ermenistanê bûne. Di sala 1946 Cerdoyê Esed mekteba navîn li Sabûnçîyê temam dike mamostê gund apê wî Hemîdê Esed bû. Hê di xortaniya xweda Cerdoyê Esed dest bi nivîsandina helbestan kir. Di sala 1950î de wî Enstîtûya pêdagojiyê ya ser navê Xaçatûr Abovyan li Rewanê t’emam kir. Helbestên wî yên yekemîn di sala 1954an de li pirtûka dersên edebiyata kurmancî ji bo koma 4ê hatin weşandin.

Berhemên Cerdoyê Esed bêtir di 35 berevok û almanaxan de bi zimanên rûsî, gurcî, ermenî, azerî û kurmancî hatibûn belavkirin. Di sala 1959an de li Ermenistanê pirtûka wî ya yekemîn
“Şiêr û dastan” bi zimanê kurmancî tê çapkirin. Di sala 1966an de pirtûka wî ya “Li ser riya emir” li Ermenistanê hate çapkirin. Di sala 197ê de1 wî dastana Oganês Şîraz “Ya încîlê” ji ermenî wergerande kurmancî.

Di sala 1974’an de pirtûka wî ya ji kurteçîrok û helbestan hatibû berhevkirin bi navê ‘Şewitî Dil’ hat weşandin. Di heman salê de efsane û dastanên wî yên di hin cihan de hatibû çapkirin, hinek ji wan bi wergera Ermenîkî re, bi navê ‘Bilûr’ hat çapkirin. Pirtûka wî ya ‘Evd Ez Ji Te Bawer Dikim’ di 1979’î de ji bo zimanê Gurcîkî hat wergerandin û weşandin. Her wiha gelek helbestên wî di antolojiyên Gurcistanê de cih girtin.

Di sala 1978an de Cerdoyê Esed cara yekemîn li Gurcistanê stûdyoya şanoya kurdî ava dike, kîjan jî gihîşte dereca navê T’êatroya gelerî ya kurdî. Di sala 2007 bi alîkariya Mala Qafkasyayê li Tibîlîsê wergera Cerdoyê Esed ya dastana gurcî ”Wergirê postê piling” ya klasîkê gurca yê navdar Şota Rûstavêlî hate çapkirin. Cerdoyê Esed nêzîkî 25 salan li ser wergera vê dastanê xebitiye, lê çapkirina wê negihîşt. Cerdoyê Esed endamê Yekîtiya nivîskarên Yekîtya Sovêtê bû. Di sala 26 îlona 1993yan de li bajarê Tiblîsê çû rehmetê.

NIVÎSÊN BALKÊŞ