Mele Evdilhadiyê Comanî

MELE EBDULHADÎ COMANÎ / Zeynelabidin Zinar

Ev pirtûk di 1963-64an de ji aliyê Mele Ebdulhadiyê Comanî ve hatiye nivîsandin. Seyda Comanî kurê Mele Teyîb e, neviyê Mele Seîd e û di 1917an de li Comaniya Xerzanê hatiye dinyayê. Mele Ebdulhadî xwendina xwe ya medresê li ba dersdarê bi navûdeng Mele Mihyedîn Hawêlî temam kiriye. Piştre li çend gundan meletî kiriye û dersa gelek feqeyan jî daye. Ji vê pirtûka wî ya bi navê SÊKÊŞAN zêdetir, wî gelek helbest jî bi Zimanê Kurdî nivîsîne. Ji helbestên wî niha li ba me tenê ya ku li ser dilovaniya Mele Seîdê Kurdî nivîsîbû heye.

Di payiza 1997an de nusxeyek ji vê pirtûkê bi alikariya dostekî hêja gihabû min. Îcar çaxê ku min ew xwend, ez pir lê sêwirîm ku ev pirtûk jî dê weke “Îrşad-ul ‘Îbad”a nemir Xelîfe Ûsiv bibe bingeh ji bo Huqûqa Kurdî. Piştre min têkilî bi alîkariya Derwêşê Sado bi Mele Evdilhadiyê Comanî re danî ku destûr bide da ez pirtûka wî wergerînim tîpên latênî. Mam Derwêş gava çûye serdana Seyda û daxwaza min gotiyê, Seyda pir kêfxweş bûye û nusxeyekê bo min diyarî hinartiye. Min jî demildest pirtûkê veguhazt tîpên Latênî û di 1998an de jî weşand.

NAVEROKA PIRTÛKÊ:

TENBÎH/22

FAÎDE/22

HAZA ‘EQÎDET-UL ÎMANÎ/27

HAZÎHÎ ÎLTÎCAUHU ÎLEYHÎ SUBHANEHU WE TE`ALA/36

KEşF-UL FERAIZ/44

FESLUN FÎ BEYANÎ E‘DAD-ÎL WERESETÎ/47

FESLUN FÎ BEYAN-ÎL FURÛZÎ/48

FESLUN FÎL HUCBÎ/53

FESLUN FÎ IRS-ÎL EWLADÎ/60

FESLUN FÎ IRS-ÎL HEWAşÎ/62

FESLUN FÎ IRS-ÎL CEDDÎ ME‘EL HEWAşÎ/68

FESLUN FÎ USÛLÎL MESAÎLÎ WE MA YE‘ÛLU MÎN HA/79

FESLUN FÎL MUNASEXATÎ/95

FESLUN FÎ BEYANÎT`TERKETÎ/109

FESLUN FÎR‘REDDÎ/111

FESLUN FÎ ZEWÎL EHRAMÎ/120

Çend malik ji pirtûkê:

Dikim hemdek bo Xwuda her dewam

Didim pur selat û didim pur selam

Li ser wî Resûlê ji bo me şefî‘

Li ser al û eshabê wî tev cemî‘

We be‘do, niyet min heye weqt û hal

Nezim kim çi esbabê kufr û delal

Çiku sehwê kim em ji ehlê zeman

Kelîmatê kufrê dibêjin ‘eyan

Xusûsen di weqtê qîtal û hewar

Dibêjin gelek gotinê pur xedar

Hisab nakin wan gotinan qet‘î şey

Ne xewf û ne tirs û ne tewbe li pey

Ne me‘zûr e cahil bi wan gotinan

Gelek hal fena ye, mûsîbet giran

Ku mademkî wa ye, min kir pur se‘î

Li vê nezmê, ser Mezhebê Şafi‘î

Çi esbabê kufrê bikim ez beyan

Serîh û muewwel du qism in, bizan!

Serîh ku sudûr bû digel i‘tîqad

Weya çi bi şeklê tinaz û ‘înad

Ji Îslam û dîn ew dike îftîraq

Dişewte sewaba ‘emel bî ttifaq

Wuha ew dimîne di wê muddetê

Dewama li ser kufr û ser riddetê.

Pirtûk di 1998an de li ser navê weşanxaneya min (Pencinar Weşanxaneya Çanda Kurdî) li Swêdê hatiye weşandin.

Bila rihê Mele Ebdulhadî şad be û gora wê behişt be.

Hûn dikarin gotarên xwe bişînin vê navnîşanê: bernamegeh@gmail.com

Lê Binêre

Enwer Yilmaz

Jiyana Enwer Yilmaz

Kedkarê Kirdkî Enwer Yilmaz serra 1980 de Dîyarbekir de ameyo dinya. Bi eslê qezaya Çewlîgî …

error: LÜTFEN OKUYUN KOPYALAMAYIN - JI KEREMA XWE BIXWÎNIN KOPÎ NEKIN !