Jiyana Ferhad Pîrbal

Jiyana Ferhad Pîrbal

Ferhad Pîrbal, nivîskar, helbestvan û lêkolînerekî kurd e. Ew di sala 1961ê de li Hewlêrê hatiye ser dinyayê.

Ferhad Pîrbal di sala 1983an de li Zanîngeha Selahadînê (Başûrê Kurdistanê) beşa ziman û wêjeya kurdî temam kiriye. Di sala 1986an de derket derveyî welêt, li Îranê bû penaber û bo salekê çû Polonya û Almanyayê û pişt re li Danîmarkê mafê penaberiya siyasî wergirt. Dû re Pîrbal çû Fransayê û di 1987an de li Parîsê li Zanîngeha Sorbonne wêjeya kurdî û îrannasî xwendin[1].

Di sala 1994an de vegeriya Kurdistanê. Li Hewlêrê dezgeha kulturî Mala Şerefxanê Bedlîsî ava kir.

Pirtûka wî Çolistan ji aliyê Firat Kelehkî li ser zaravê Kurmancî hate veguhastin.

Nivîskar û wergêrê kurd Besam Mistefa jî 2 pirtûkên wî, bi navê Santiago de Compostela û Hotêl Europe ji Soranî wergerandin Kurmancî û ji aliyê Weşanxaneya Avestayê, li Stenbolê hatin çapkirin.

Pirtûkên Ferhad Pîrbal

  • Mal ava ey welatê min, şano, 1984.
  • Sibeha te bi xêr ey xerîbî, şano, 1988.
  • Exile, şiîr, 1994.
  • Rojnamevaniya kurdî bi zimanê fransî, Hewlêr 1998.
  • Çavkaniyên kurdnasiyê/Serçavkanî Kurdistan, lêkolîn, 1998.
  • Wêneyên kurd ji arşîva kurdnasên Ewropî, lêkolîn, 1999.
  • Manîfestoya duwem î wêran spiyên nav reş–reşên nav spî, şiîr, 1999.
  • Zêrê di nav ziblê de, wergera nivîsên rojhilatnasan li ser kurdan, ji fransî werger, 1999.
  • Încîl di dîroka edebiyata kurdî de (1857–1957), 1999.
  • Destpêkên serhildana pexşana kurdî, lêkolîn, 1999.
  • Cudahî, tevî neh şaîrên hewlêrî, 1999.
  • Mele Mehmûdê Bayezîdî, 2000.
  • Petatxwer/Petatxurekan, çîrok, 2000.
  • Efser Tehsîn û tiştine din jî, kurteroman, 2001.
  • Cewayez, çîrok û berhemên hevbeş bi helbestvanên Hewlêrê re, 2001.
  • Ebdilrehîm Rehmiyê Hekarî, lêkolîn, 2002.
  • Santiago de Kompostêlla, roman, 2002.
  • Mêrekî kumreş î paltoreş î pêlavşîn, roman, 2003.

  • Hôtel Europe. Avesta, Stembol, 2012.

Çavkanî

  1.  Mehmed Uzun (1995). Antolojiya edebiyata kurdî. Tümzamanlar, Stembol û Ferhad Pîrbal (2012). Hôtel Europe. Avesta Stembol.

Lê Binêre

Erebȇ Şemo Şamȋlov 

126 saliya ji dayȋk bȗna, hȋmdarekȋ edebyeta kurdȋ,  bavȇ romana kurdȋ,Erebȇ Şemo Şamȋlov

Ezȋzȇ Gerdenzerȋ Nivȋskarȇ kurd Erebȇ Şemo Şamȋlov  ji dayȋkȇ bȗye 23 meha cotmehȇ – Oktomberȇ …

Bir Cevap Yazın

error: LÜTFEN OKUYUN KOPYALAMAYIN - JI KEREMA XWE BIXWÎNIN KOPÎ NEKIN !