Amadekar: Mihemed Hemkoçer
Ji dengê Cemîl Horo
Ê law Delal were mala, law law law law law
Ê law Delal, dê were mala, were mala law were mala
Qexeriyo were mala law were mala
Serê min ubayê were mala
Serê mi bi qurbano were mala
Law Dela o mal ê va ne
Ê law Delal, xaniyê mala bavê mi ubayê xelkê, sipî û bilind e, (mesafetê) sehetîvikê ez bi qurbano ji dûr va tê xûyan e
Di ser re ça ye, bilind e, bi hîm û zinar e, ez bi qurbano, bi mêşeliq e, tev da yayle û zozan e
Di bin ra bax û baxçeye, ez bi qurbano, tev da gul û simbil û rêhan e
Ê law Delal ez bi qurbano, av û delav û mêrg û kaniye, serê mi bi qurbano tev da çawîr û çîman e
Ê law Delal berê heftê sê caran seba teqilêd çav û mi reş û belek, qeter û mehebê morguliyan tu dihat li mala bavê mi ubayê dibû (misafir)û mêvan e
Ev a miha deh û yekê ye, tu qeriye ez bi qurbano li ber çavêd min tu nabî xûyan e!…
Tu were binir li halê mi, xelkê nazik î meqbûl, zendêd bazina, zandên kalîgewr ê vemalane
Li navberê kozan û perdan, ez bi qurban, kab û çongêd xwe ê berdane wek çîçek û golê xaliyan e
Î law dela bi dest xwe kirî dîbekê qehweyê, ji mera ye I ozê Çayê Hindirîn def û mûziqa herbê tz bi qurbn tê kutan e
Erê, mila istiyê mi bişkê gerdenê mi bixelê , kefêd bihene, seri pîçênbalîmanî, ew dirnaqêd serîzêtûnî, xeşîm e, destê xwe li destikê dîbekê qehwê diguvişê ji berakî da peqirmê reş dane
Law Delal ez bi qurano law law law law law law
Ez dibîsim li her derekê tê xeberdan e
Diho- pêr hatin ji min ra hewaldane
Law Delalo min ji wan nekir înan e
Î law Delal ez dizanim tu ne yî sivik e tu giran e
Li hêteka çayê Kurmênc î xopan ez bi qurbano tu buhayî, herwextekê xwe meke erzan e
Î law Delal roja dudiyê hatin bi mi ra gotin: De rbe bi çavê xwe bibîne, ew lawikê tu jê hez dikî, î derê tê mala jinebiyan e!
Î law Delal, heta bi roja îro min digot: belkîm tu yî baqil î tu bilyan e!
Mi nizanî bedenê tu revandiye, tu nezan e
Hey bedenê te şewitiyo, betarê te rijîbo, e zanim tiştek î te nîn e tu xizan e
Tema ji te hez dike, ew qîzik a zengîn û xwenedan e, law Delal a dewlemend û xwenedan e
Ê de were, de were, de were , de were
Ez bi hesret a te me, li min dêl a xelkê bibe mêvan e.
………………………
