Jiyana Jan Dost

10 Ağustos 2019

Jan Dost romannivîs, helbestvan, wergêr û nivîskarekî kurd e.

Ew di 12’ê adarê sala 1965 an de li bajarê Kobanî hatiye dinyayê. Xwendina xwe heta lîseyê li Kobanî qedandiye. Ji sala 1985 an heta 1988an li zanîngeha Helebê fakulta zanistê beşê Biyolojiyê xwend, lê temam nekir.

Jan Dost di dehsaliya xwe de dest bi nivîsîna helbestên erebî kir paşê ji panzdesalî de qulipî zimanê kurdî. Çîroka wî ya yekem Xewna Şewitî sala 1993 an di pêşbirka kurteçîroka Kurdî de li Sûriyê xelata yekem stand. her weha li Tirkiyê jî li ser sehneyê hate lîstin. ji bilî wê çîrokê, jan Dost çend çîrokên din j nivîsandine, wek Mistek ax ku sala 2007 an li Almanyayê bû kurtefilmek, û rûyekî şêrîn û hinin din.

Her weha gelek helbest û lêkolîn bi erebî û kurdî di rojname û kovarên cihê de weşandine. Jan Dost di malpera Diyarnameyê de di quncika xwe ya bi navê Şevnem de ji 2007an heta 2012 nivîsar dinivîsandin.

Jan Dost ji sala 2000î de li Elmanyayê dijî û ji Adara 2009 an de hemwelatiyê Almanyayê ye.

Berhemên wî

Romanên bi kurdî

Mijabad Weşanxaneya Belkî, Amed, Reşemî 2003. wergerandina bi tirkî Sisli Şehir. Kawa Nemir. Beybun Ankara 2004
3 gav û 3 darek. Şeva dawî di jiyana Şêx Seîdê kal de. roman. 2007. weşanxana Avesta. istembol.Çapa duyem Avesta 2012
Mîrname. Roman. çapa yekem 2008. Çapa duyem 2012 Istembol. weşanxana Avesta. Wergera bi tirkî: Muhsin Kizilkaya. Ithaki. Istanbul. 2011. Wergera erebî Kalima, Abû Dabî 2011. Wergera soranî Sebah Ismaîl, Endêshe, Silêmaniyê 2013
Martînê Bextewer. Avesta, Stembol. Gulan, 2012.
Romana Kobanî. Dara Yayinlari. Diyarbekir. 2017

Romanên bi erebî

Eşîq el-Mutercim عشيق المترجم. Roman, Dubay, 2014.

Dem Ela El Mizana دم على المئذنة. Roman, Qahire, Misir. 2014
Nawaqis Roma نواقيس روما Roman. Bêrût, Lubnan. 2016
Otubusa Kesk باص أخضر Roman. Mîlano. Îtalya.2019

Helbest

Kela Dimdim, Destan . weşanên Rewşen û Melsa 1991 Bonn-Istembol. Çapa çaran: Avesta- Istembol havîn 2011
Sazek ji çavên Kurdistan re أغنية لعيني كردستان, Helbest bi kurdî û erebî. 1994. Sûrya
Dîwana Jan. Helbest. 2010. Semakurd. Dubai
Dîwana Jan. Helbest. 2012. Avesta. Istembol

Werger û lêkolîn

Mem û Zîn bi erebî; مم و زين çapa 1 Şam 1995. ilegal, çapa 2 Beyrût 1998, çapa 3 Dihok 2006, çapa 4. Şam. sibat(reşemeh= reşemî). 2008. çapa 5 Qahire. Misir 2014
Şiir we şueraa شعر و شعراء – مختارات من الشعر الكردي القديم و المعاصر pirtûkek biblografî li ser helbestvanên kurd yên kevn û nû. 1991 sûrya
Mehabad ber bi olimpiyada xwedê de – Stembol 1996 helbesta Selîm Berekat wergerandin bi kurdî. weşanxana Avesta
Bedayiulluxe بدائع اللغة ferheng Kurdî-Erebî wergerandin ji Farisî, 1997.Sûrye. çapa ilegal
Elhedîqe el Nasiriyye الحديقة الناصرية في تاريخ و جغرافيا كردستان wergerandin ji farsî, bi erebî weşanxaneya Aras Hewlêr 2002
Sirûda baranê, helbestên Bedir elseyyab wergerandin ji erebî. istembol Avesta1995
El Durr El Semîn fî şerhî Mem we Zîn الدر الثمين في شرح مم و زين werger û şiroveya Mem û Zîna Ehmedê Xanî bi zimanê erebî. Dihok weşanxaneya Spîrêz 2006.
Mem û Zîn bi kurdiya îro. Avesta. istembol. 2008

Adatul-Ekrad. رسالة في عادات الأكراد وتقاليدهم. kitêba Mele Mehmûdê Bazîdî: adat û risûmatnameê Ekradiye. Abû Dabî. 2010.
Adat û Risûmatnameê Ekradiye. kitêba M. Bayezîdî. wergerandina bi ser tîpên latînî ve û ravekirin. Weşanxaneya Nûbihar. Istembol. 2010
Mem û Zîn. şirove û bi kurdiya îro. Avesta Istembol 2010.
Ferhenga Kurdistanî. kurdî/kurdî. Nûbihar. Istembol. 2010.
متاهة الجن wergera romana Hesenê Metê: Labîrenta Cinan. Kalima. Abû Dabî 2013
رماد النجوم Ariya (xweliya) Stêran. kurteçîrokên hilbijartî. Belavkirina Meqam, Qahire-Misir 2014
وطن من ضباب. Mijabad bi erebî. Qahire, Misir. Belavkirina Meqam 2014
Perik. Romana Selîm Berekat ji erebî. Weşanxaneya Ayrinti. Stenbol 2015
Şerha Dîwana Cizîrî. wergerandin. Dara. Diyarbekir. 2018
Xanî û Cizîrî: du stûnên wêjeya kurdî. Dara. Diyarbekir. 2018

Medya û Rojnamevanî

Kovar û Rojname

Torevan. Edîtor. Sûrî. 1986-1987
Welat, Welatê Me û Azadiya Welat. Nûner û nivîskar. 1992-2002
Avesta. Edîtor. Almanya. 2000-2002
Pêl. Edîtor. Almanya 2003
Diyarname. Qunciknivîs. 2007-2012
Hecelname (حجلنامه ). Edîtor. Siwêd. 2003-2005

Tv`yên ku bi wan re xebitiye

Medya Tv. 2001-2002. Bruksel. Nûçexwan û bernamevan
Zenûbya Tv. Bruksel. 2009-2010. Nûçexwan û bernamevan

Fîlm

Mistek ax. ev çîroka jan Dost ji hêla derhênerê kurd Şiyar Ebdî bû kurte filmek

Şano

Çîroka xewna şewitî ku xelata yekemîn di pêşbirka çîroka kurdî li sûriyê sala 1993 an wergirt, li Tirkiyê û kurdistana bakur bû şano û li ser sahneyê hate lîstin.