Arşevê Oskan (z. 1967 – m. 25’ê sermawezê, 2012) rojnamenivîs, helbestvan û nivîskarekî kurd bû. Ew di sala 1967’an de li gundê Birkînêsê ku dikeve di navbera Dirbêsiyê û Serê Kaniya Binxetê de hatiye dinê.
Wî xwendina xwe ya despêkê (seretayî) li gundê xwe kir û ya navçeyî li bajarê Dirbêsiyê û herweha lîse li bajarê Hesîçeyê.
Di sala 2001’ê de wî û hin kesên din biryara derxistina kovara Zevî da û Oskan bû sernivîserê wê. Heyanî dawiya 2003’an deh hijmar jê derketin û bi derketina nivîskar ji welêt, ew jî rawestiya.
Nivîskarê birkînêsî di salên dawî de li Almanyayê dijiya, zewîcî û bavê sê zarokan bû.
Arşevê Oskan ku bi nexweşiya pençeşêrê ketibû, di 25’ê mijdara 2012’an de li bajarê Hambûrgê (Almanya) çû ser dilovaniya Xwedê.
Berhemên wî
- Hêviyên Birîndar, Helbest, 1995
- Kê Gul Çinî?, Helbest, 1999
- Berbang Qedexe ye, Helbest, 2001
- Xewnistan. Helbest, Weşanên Do, 2010
- Keştiya Penaberan, Roman, Weşanên Do, 2010
- Awazên Evînê, Helbest, 2012
