Helbestvan Bendî Elî sala 1963’yan li Malkendî ya Silêmaniyê ji dayik bûye. 1986’an beşa endezyari ya çandinî xwendiye. Di sala 1980’de dest bi nivîsandina helbestan dike.
Yekem pirtûka xwe ya helbestê bi navê “Dinyaya Gulale Sor e” çap dike. Helbestvan Bendî Elî ji ber pirsgirêkên siyasî 1997’an berê xwe dide Ewropayê û li Swêd piştî salekê pirtûkeke bi navê “Eşqa me” dinivîsine. Dawiya 2005’an diçe Elmanyayê, li wir jî pirtûkeke bi navê “Temenê Hebibekî Yê Me” çap dike. Helbestvan Bendî Elî 2012’an vedigere Silêmaniyê û 2014’an pirtûka bi navê “Berdexî Temen”, sala 2018’an jî pirtûka bi navê “Lêra Baran jî Bêzar Dike” dinivîsîne. Bendî Elî helbestvanekî niştîmanperwer û çepgir e.
