Hejmara Çardemîn a Kovara Şermola Derket

Hejmara Çardemîn a kovara Şermola ya wêjeyî û çandî ku bi zimanê kurdî û erebî tê weşandin, derket.

Dosyaya hejmara nû ya kovarê “Êzîdî û Êzîdiyatî” e, da ku rasteqîna vê pêkhateya ku li ser dirêjahiya sedsalên berê toşî paşguhkirin û dorpêçkirina rêbazkirî bûye werê eşkerekirin, hem jî erêkirina resenî û kevinahiya ola êzîdî û pê re gel, milet û baweriyên deverê.

Di Hejmara Çardemîn de berhemên bi dehan nivîskar, rewşenbîr û lêkolînerên ji pêkhateyên cuda yên Sûriyeyê, hene. Beşên kovarê ev in: Analîzên hizrî, dosyaya hejmarê, lêkolîn, hevpeyivîn, nirxandina pirtûkan, werger, jin û çand, huner, çîrok, helbest, gotar û raporên wêjeyî.

Hejmara Çardemîn a kovara Şermola 262 rûpel in, bi kurdî û erebî hatiye çapkirin.

Naveroka Beşa Kurdî Ya Hejmara Çardemîn:

Pêşekî: 

-Êzîdî û Êzîdiyatî.. oleke yekxwedayî û pêkhateyeke resen e.. (Desteya Sernivîskarîyê)

Analîzên hizrî: 

Li Kurdistanê Etnîsîte, Çînîbûyîn û Netewebûyîn.. (Abdullah Ocelan)

Dosyaya Hejmarê: 

-Êzîdiyatî.. (Menan Cafer)

-Ol û Wêje.. (Beşîrê Mele Newaf)

-Êzîdiyên Sûriyeyê û Guhertinên Siyasî (Fawaz Ayo)

-Qewlê Çarşemê.. (Komkirin: Şemo Qasim Dinanî, Tîpguhêzî: Nesîm Şemo û Rojda Silo)

Lêkolîn:

-Melayê Cizîrî û Pênaseya Evînê -1-.. (Diyar Bohtî) 

-Dengên Zimanê Kurdî (Kurmancî) di Proseyên Dengsaziyê de… (Berzo Mehmûd) 

Hevpeyvîna Hejmarê:

-Li Gel Nivîskar Silêman Cafer e (Aram Hesen) 

Jin û çand: 

-Jinên Êzîdî.. hêmaneke girîng in di vejandina çanda xwe ya resen de.. (Şînda Ekrem)

-Şengal; Birîna ku nayê pêçandin.. (Hêvîdar Xalid)

-Rol û mîsyona jinê   ya di qada wêjeyê de.. (Roza Metîna)

Pirtûkên Derketî: 

-Pirtûkên Derketî.. (Desteya Sernivîskarîyê)

Çîrok: 

-Navê min Hovanês e.. (Salihê Heydo) 

-Gulfiroş.. (Merwan Berekat) 

-KÊL.. (Abbas Abbas) 

-Verger.. (Vejîna Kurd) 

-Xemrevîna min.. (Mufîde Koto) 

Helbest: 

-Welat.. (Ednan Dogan) 

-Bihar Hatiye.. (Karîna Osêyan) 

-Xîret.. (Ednan Îbrahîm) 

-Axîna Axînê.. (Rûken Hisên) 

-Dara Evînê.. (Ofê Reşîd) 

-Lehiya Işqê.. (Aras Qasim) 

Serbest: 

-Sê Gundên Êzîdiyan li Cizîrê (Otelce ـ  Ala Reş ـ  Şekeriyê).. (Şerîf Mihemed)

Bernamegeh Kurdî / bernamegeh@gmail.com