Gabar Çiyan (Zarathustra Acat) rojnamevan û nivîskarekî kurd e. Di 1963an de li Tora Evdînê, bajarê Nisêbînê hatiye dinyê. Bi eslê xwe ji Darê ye. Ji 1978an ve rojnamevaniyê dike. Di rojnameyên rojane û lokal de kar kiriye û perwerdeya rojnamevaniyê girtiye.
Ji ber xebatên rojnamevaniyê, mecbûr ma, welat bi cî hişt û 1988an de derket derveyî welêt.
Di qonaxa avakirina YRWK-Yekîtiya Rewşenbîrên Welatparêzên Kurdistanê de beşdarî kir. Di kongreya yekem ya YRK-Yekîtiya Rojnamevanên Kurdistanê de, di rêvebiriya wê de wezîfe girt. Di Enstîtuya Kurdî li Stockholmê de xebitî. Ji bo avakirina Enstîtuya Mezopotamya li Swêdê di gel rewşenbîrên asurî/suryaniyan kar kir.
Birêvebiriya kovarên Şano û Sînema û Cîhana Weşanan û niwêneriya rojnameya Yeni Ülke li bakurê Ewropayê kir. Di kovara Rewşenê de xebatên wî çêbû. Nivîsên wî di gelek rojname û kovarên kurdî de belav bûne…
Çiyan, parêzvanê mafê mirovan e û demek dirêj e bi karê mafê mirovan mijûl dibe. Bı dorê:
- 2009-2012, Cîgirê Serokê Giştî yê dezgeha mafê mirovan, li dijî komkûjiyê ‘Kurdocide Watch-CHAK ê bû.
- 2014-2017, Kordînatortiya EuroKurd News- Ofîsa Dokumentasyonê a Mafê Mirovan kir. Navenda Eurokurd ê li Stockholmê ye.
- 2017-2018, Cîgire seroke Amnesty International Stockholm ê ye.
- 2017-2018, Serokê Amnesty 06 Gruba Turkiye ye.
Xelatên girtine:
- 1993, Çiyan bo lêkolîna xwe derbarê kurdên Anadolê, Xelata rojnamevaniyê ya Musa Anter girt.
- 2017, Amnesty 06 Koma Turkiye ku di serokatiya Çiyan de xebata mafê mirovan dike, “Xelata Amnesty Stockholm a aktivism” girt.
- 2018, Amnesty 06 Koma Turkiyê ku di serokatiya Çiyan de xebata mafê mirovan didomîne, “Xelata mezin a Amnesty Swêd”ê girt.
Li Swêdê dijî.
Berhem
- Bexçeya zarokan 1-2, Norsborg: Nûçevaniya Swêd: Istanbul : Rojnameya Welat, [1992]. – 66 s. : ill., kartor. – ISBN 91-630-1453-X
- Şanoyên zarokan – Stockholm, [1992]. – 32 s. : ill.
- Êsa Zirav, “ji kehniya sanoya Brîna Res”, Norsborg: Çand-Kültür, [1993]. – 26 s. – ISBN 91-972106-2-5
- Melayê Meshûr, (şano), Norsborg: Çand-Kültür, [1993] – 40 s. – ISBN 91-972106-1-7
- Pêkenokên me: ji dîna dîntir : lêkolîn. – Norsborg : Çand-Kültür, [1993]. – 57 s. – ISBN 91-972106-0-9
- Pirsa sînema Kurd û Yilmaz Guney – Norsborg: Wesanxaneya Çand, [1993]. – 53 s.
- Süryani-Kildani 1, 2, 3, 4, 5, Asurlar-Asûrî, Norsborg-Södertalje, Nsibin Yayinları, [1993-96]
- Kurdiska ordspråk och talesätt, Norsborg: [G. Çiyan], [1994]. – 41 s. – ISBN 91-972388-0-5
- Bîrova çavan, Çapa 1, Hägersten: Jîndan bokförl./Wesanxaneya Jîndan, 1995. – 92 s. – ISBN 91-972436-1-2
- Şorbe / Gabar Çiyan, Bekir Yildiz- Norsborg: Çand-Kültür, [1993]. – 36 s.
- Dengê jar û evîndaran hunermend Ehmed Salih Silo, jiyana wî, çavpêketin, hunera wî, ed. by Beşîr Botanî (Stockholm, 1994), 36 p.
- Evîna şahmeran, îlon 1997, ISBN 91 972338880, Swêd
- Mehmed Uzun Anlatıyor, ISBN 978-605-9183-13-0, Do yayınları, İstanbul
- Sewdanameya winda, 2017, ISBN 978 605 2356 09 8, Weşanxaneya J&J, Amed
