Di sala 1960’î de li Farqînê hate dinê. Dibistana seretayî li gundê Korîtê xwend.
Piştî ku dibistana seretayî qedand êdî nexwend. Di sala 1992’yan de ji doza PKK’ê hate girtin. Niha jî li girtîgeha Alanyayê girtî ye. Di zindanê de li ser ziman û wêjeyê dixebite.
BERHEM:
Stêrka Sêwî, Helbest, Weşanên JJ, 2013
KEVOKA SPÎ
Tu wek kevoka spî
Îşev nizanim li kur bî
Çi şêrîn û muhub î
Min divê yara min tu bî
Çêtir î ji keça şaha
Tu li ba min qîmet biha
Pênûsa feylesofê deha
Weki îlmê babil taha
Rinda min keça keleş e
Por û zulf û gulî reş e
Carekî dî were bimeşe
Çiqasî navê te xweş e
Tu ne derd î ne birîn î
Ez mem bim tu jî zîn î
Ez ne şahî tu ne şîn î
Ez jiyan bim tu jî jîn î.
