Salih Turan di 25’ê Sibata 1977’an de li bajarê Batmanê hatiye dinê. Piştî perwerdehiya navîn û seretayî di sala 1997’an de, li Stenbolê Zanîngeha Marmarayê Beşa Rojnamevaniya Giştî qedandiye.
Gava xwe ya pêşî di rojnamevaniya Kurdî de li heftenameya Azadiya Welat avêtiye û ji sala 1999’an heta 2001ê wekî peyamnêr û edîtor li wir kar kiriye. Di heman demê de bi helbestê re mijûl bûye û dosyayeke helbestan amade kiriye.
Salih Turan di karê xwe yê rojnamevaniya Kurdî de berdewam e û ji bilî Azadiya Welat di dezgehên medyayî yên wekî Dengê Amerîka, Kurdistan24, Spûtnîk Kurdistan û hwd. de kar kiriye. Di nav çend projeyên wergerên Kurdî yên pirtûk û weşanên din de, wekî wergêr piştgirî daye. Nivîskar, malpera nûçeyên Kurdî ya bi navê nucexane.com’ê ji sala 2011’an pê ve bi rêve dike.
BERHEM:
Dayik Bê Roj in,Helbest, Weşanên Noş, 2014
