Sala 1977’an li Nisêbîna Mêrdînê ji dayîk bûye. Dibistana seretayî, navîn û amadeyî li Nisêbînê xwend. Aydin Rengîn Beşa Bîyolojîyê ya Zankoya Yüzüncü Yılê ya Wanê kuta kir.
Ew li Wanê beşdarî çend xebatên zanistî yên li ser flora û faûnayê bû. Ew bi xebatên xwe yên ku li ser qîvark, gezgezik û sîrmoyê kirine beşdarî kongreyên bîyoloteknolojîyê yên neteweyî û navneteweyî bû. Wî li Stembolê dersen Îngilîzî wergirtin û paşê mamosteyîya zimanê Îngilîzî kir.
Wergerên wî yên kurteçîrokên ji wêjeya cîhanê di kovarên weke Nûbîn, W, Tîroj, Tabularasa û Hawara Botanê de hatin weşandin, her wiha wî gelek filîmên sînemayê, belgefilîm û kartonfilîm wergerandine Kurmancî. Li Zankoya Artukluyê ya Mêrdînê beşdarî xebatên Kurdolojîyê, Îngilîzîya sepanî û wergêrîyê bû. Rengîn li Mêrdînê dijî.
Berhemên wî:
Werger:
Komediya Mirovahiyê (The Human Comedy), William Saroyan, roman, Weşanên Lîs, 2014
