Mele Sîracê Xelîlî (z. 1930 Xelîla, Kerboran – m. 1983) di sala 1930’î de li gundê Xelîla, yê navçeya Kerboran a bi Mêrdînê ve girêdayî, ji dayik bûye. Xelîla di nava eşîra Erebiya de gundê herî mezin e. Mele Sîrac zaroktiya xwe li Xelîla derbas kiriye.
Navê bavê wî Mele Ebdulhekîm e. Mele Ebdulhekîm jî alimekî gelekî hêja bû. Ji malbata wan gelek alimên mezin derketine. Mele Sirac di sala 1971’î de li gundê Behmûrê yê Cizîrê dest bi melatiya fermî kiriye. Di sala 1974’an de taîna wî çûye herêma Midyadê û li wê dere nêzîkî çar salan melatî kirîye. Di sala 1977’an de dîsa hatiye Cizîrê. Li mizgefta Hz. Nûh wezîfe kiriye. Di sala 1982’an de teqawîd (malnişîn) bûye. Di sala 1983’an de wefat kiriye.
Pirtûk
Sê berhemên Mele Sîrac hene:
Mewlûda kurmancî
Gulcivîn
Dîwan
Mewlûda xwe bi zimaneki fesîh û zelal nivîsandiye. Ew mewlûda wî bi tîpên erebî li Nisêbînê hatiye çapkirin. Lê bele bi tîpên latînî nehatiye çapkirin. Gulcivîn li ser mijarên civakî û evîne hatiye nivîsandin. Berhemeke gelekî hêja ye.
Zimanê wê jî gelekî şîrîn û sivik e. Ji xeynî van her du berheman, tê gotin ku Dîwaneke wî jî heye û li ser derd û kulen kurdan hatiye nivîsandin. Yanî ev berhemeke millî û netewî ye. Lê mixabin heta niha ev pirtûk derneketiye hole. Tê gotin ku ji ber hinek sebebên eşkere, ev pirtûk hatiye şewitandin an jî veşartin.
Helbesta ku di pirtûka Gulcivînde hatiya nivisandin;
Herkesê kû lê binêrê ew bi qelsîtî yeqîn, Herdu çavê wî wekî çavê çilîsta ro nebîn. Ev du xet roja biharî jê di çin şewq û beraq Ma ne hêjaye kû em navê wê deynin Gulcivîn. Hatin tecrubetiya Şêx Mominayê Di peyra kitaba rustedar e, şîretê Loqmanê Hekîm ê gotine ji lawê xwere.
