Ebdulrehman Efîf wergêr û helbestvanê kurd e.
Efîf di sala 1971ê de li bajarokê Amûdê, başûrrojavayê Kurdistanê ji dê bû. Hezkirineke dijwar bû ya ber bi nivîsandinê de kişand û vê xapandina spehî xapand.
Ji sal 1989an ve li zanîngeha bajarê Helebê Wêjeya Erebî xwend. Sê helbestpirûkên wî bi erebî hene; bi kurdî Bera Pir Nêzîk Lê Pir Dûr Bim heye. Ji sala 1996an ve li Elmanyayê, bajarê Hannoverê dijî. Ebdulrehman Efîf pirtûka Lao Zî (an jî Lao Tse) ya bi navê Tao Te Ching wergerandiye kurdî. Di pirtûkê de 81 helbest hene. Ew hemû di hejmara 42 ya Kovara Mehname de hatine weşandin.
Helbesteke Ebdulrehman Efîf
Sozekî bi min de ey gula hîroyê Û bera ez li ber roka bendemanê Bêdawî razêm… Sozekî bide min ey hîroya Orta zengil û saet û dayikê… Û bera bê xew û xwarin Bimînim mîna kilîta jiyanê Sozekî li qirika pişika min Girêbide gula hîroyê û bera Tenê di hindirê pişika te de Şiyar bibim, bera ez ez bim Û ez ne ez bim, bera şevreş Û ronî bim, kanî û biyaban Bim… Bera saet û gerşikestin bim Sozekî bide min hîroya malê Bera ez ez bim û mirin bim Bera pirr nêzîk Lê pirr dûr bim.
