Kawîs Axa dengbêjê bi nav û deng bû. Bi navê xwe ê rastî Kek Weyîs di sala 1889an de li zozana Carcelî a êla Herkiyan ji dayika xwe dibe. Navê bavê wî Ehmed Cemile Herkî ye û ji binemala Malebî a êla Herkiyan tê. Navê dayika wî jî Leyla ye. Êla wan zivistanan ji zozanan dadiketin, deştên rojhilata Mûsilê û li gundê Şêxan nîştecîh dibûn. Wê dema Kawîs Axa 10 salî bû, bavê wî koça dawiyê kir. Wê demê birayekî ê wî piçûktir hebû. Navê wî jî Kino bû. Kawîs Axa, mirovekî tat bû. Lê wê wexta stran digot, tatbûna wî qet diyarnedibû. Tatbûna wî ji dayikbûna wî ve nebû. Li gor gotina wî, di ciwaniya xwe de zivistanê bi hespê diçe aşî û di rê de ji hespê ketiye û di nav berfê de bi seatan maye û ji vê bûyerê şûnda jî tat bûye.
loading…
